Жанарымда тұнған сыр

    «Туғанда дүние есігін ашады өлең, өлеңмен жер қойына кірер денең. Өмірдегі қызығын бәрі өлеңмен, ойласаңшы бос қақпай елең-селең», - деп Абай айтқандай өмірдегі қызықтың бәрі өлеңмен. Өлең – өмір. Өлең – тарих. Өлең – ғұмыр, өлең – ғасыр шежіресі. Өлең халық дертінің, тарих қайшылықтарының бәрін емдеп, тазартатын өзгеше құрал. Адам баласы айтып келген сөздің асылы – поэзия. Абайша айтқанда, «Өлең – сөздің патшасы.» Бұл кітаптағы өлеңдер ойыңа ой қосады, ой тастайды, өзіне де бағыт-бағдар алуға көмектеседі. Өлеңді жеке адам жазғанымен, оның жарыққа шыққаннан кейінгі иесі Сіздер, оқырман, көпшілік. Бұл кітапқа жиырмасыншы ғасырда және жаңа ғасырдың басында кітап болып шыққан жинақтардағы таңдамалы өлеңдер енгізілді.