Алтын Орда - қазақ мемлекеттілігінің алтын бесігі

    2020 жыл – қазақ халқы үшін мерейтойларға бай. Әл-Фарабидің – 1150, Абайдың – 175, Алтын Орданың – 750, «Едіге би» дастанының 600 жылдығы қатар келіп тұр. Адамзатты шарпыған пандемия ұлы тұлғаларымызды тиісті деңгейде ұлықтауға мүмкіндік бермеді. Сонда да халқымыз сакралды орындарға барып, бабалар рухына тағзым етуді кейінге қалдырмады. Кітаптың І бөлімінде автор еліміздің Ұлытау тарихи-мәдени аймағына жасаған, саяхатынан алған әсерімен, көрген, естігенімен бөліседі. ІІ бөлімінде Павлодар облысы аумағында тұрып жатқан уақтар мен күрлеуіт руларының шежірелері ұсынылады. Алты мүшел жас қайырған ақсақал Ақтоғай ауданының тумалары, замандастары туралы қызықты оқиғаларды әңгімелейді, ұлтаралық қатынастар туралы ой-толғауын ортаға салады. Кітаптан тың өлкетанымдық материал табуға болады. Кітап жасөспірім ұрпаққа арналған.