Құсқанаты поэзия

    Алғашқы жырларымен-ақ поэзияға өзіндік үні, ұлттық бояуы қанық ерекше қадаммен келген ақын Ербол Бейілханның бұл жинағына кейінгі жылдары жазылған өлең, баллада, толғау, поэмалары топтастырылған. Біз ақынның шығармаларын оқи отырып, қазақтың байырғы танымына, бай тіліне, мейірім мен ізгілікке, махаббат пен ғадауатқа еркін сусындаймыз. Көне сөздермен, көшпелі өмірмен танысып, бүгінгі өркениетті ғасыр-дағы ел мен жердің қадірін ұғынамыз. Қоғамдағы кез келген құбылысқа бейжай қарай алмайтын ақын сөзден сурет салып, жырдан кесте тігіп, астарлы ой, соны теңеулер арқылы оқырманына нәзік сыр шертеді. Тәтті мұң, аңсау мен арман, сағыныш пен сарғаюдан туған бұл туындылар сіздің де жан дүниеңізді бір тулатарына сенеміз. Кітап барша жырсүйер оқырманға арналған.