Асыл азамат Т.4 ғылыми-зерттеу жинағы

    Ұсынылып отырған «Асыл азамат» атты еңбек белгілі фольклорист-ғалым, сыншы, филология ғылымдарының докторы Бекмұрат Уахатовтың творчестволық еңбек жолына арналады. Аталған оқулық 2008 жылы «Аманат» атауымен жарық көрген. Аталған жинаққа ғалымның көзін көрген азаматтардың, үзеңгілес достарының, белгілі ғалымдарың Бекмұрат Уахатов туралы жүрек жарды естеліктері мен өмірі мен шығармашылық қызметіне арналған мақалалары жаңартылып, қайта толықтырулар енгізілген. Естеліктер әріптестер, шәкірттер, ғалымдар мен жазушылардың, замандастарының Бекмұрат Уахатовтың адами табиғаты, қабілет ерекшеліктері мен творчестволық жолы кеңінен айтылып, оның ғибратты ғұмыры туралы сыр шертеді. Бекмұрат Уахатов – Ұлы Мұхтар Әуезовтың талантты шәкірттерінің бірі болғаны белгілі. Ол жайында кітапта берілген мақалалардағы тың жазбалардан танысуға болады. Жинақты қайта басып шығарудағы мақсат – оқырмандардың сұрауы бойынша ғалым туралы жазылған естеліктерді толықтырып, оның ғылым жолына арнаған толасыз еңбегін таныстыру.