Ой - өрнек

    Қарағанды өлкесінің халқына кеңінен танымал, бүкіл саналы ғұмырын жастар тәрбиесіне арнаған ұлағатты ұстаз, ҚР оқу-ағарту ісінің үздігі Мәпіш Шәріпқызының бұдан бұрын «Жапырақ ғұмыр сыбдыры», «Ай сәулесі», «Кешкі самал» атты кітаптары шыққан болатын. Сондай-ақ, қоғам қайраткері, ғалым, өмірлік серігі Талғатбек Әбдіразақовқа арнаған «Қыран ғұмыр» атты естелік – кітаптың да авторы.

    Қолдарыңызға тиіп отырған бұл кітапта да ардагер ұстаз өмір, кісілік қалып, ұлт болашағы туралы, қоғам, замана ұсынып отырған әр түрлі құбылыстар жайлы ой толғайды. Ал, кітаптың екінші бөлімінде халқымыздың бір туар азаматтары туралы естеліктерге кезек берілген.

    Танымдық құны қымбат кітап көпшілік қауымға арналған.