Көркем сөздің құдіреті

    Кітапта бұған дейін қазақ әдебиетін, тілін оқытуда ескерілмей келген өте бір маңызды мәселе көтерілген. Ол - көркем шығарманы жалаң мазмұндаудан да, басты талапты ескермей, қосалқы ұсақ-түйек жайіттерді қуалаумен шектелуден де мүлде бөлек тың бағытты, шығарма көркемдігін танытуды басты нысана еткен қиын да жауапты міндетті қолға алу. Еңбектің бірінші бөлімінде мектепте өлең оқытудың қыры мен сыры сөз болса, екінші бөлім эпостық шығарманы оқытуға арналған. Жұмыстың үшінші бөлімі көркем шығарма тілін сараптауға бағындырылған. Еңбек мектепте қазақ әдебиетін, тілін жаңаша оқытқысы келген маман ұстаздарға, көркем шығарма табиғатын жете дәйектегісі келген қалың көпшілікке арналған.