Шығармалар жинағы 1 том Өлеңдер мен поэмалар

    Қазақстан Республикасы Мемлекеттік сыйлығының лауреаты, "Парасат", "Құрмет" ордендерінің иегері, Жамбыл облысының Құрметті азаматы, көрнекті ақын Күләш Ахметованың бұл шығармалар жинағы сыршыл, ойшыл суреткердің тұлғалық даралығын ашуға мол мүмкіндік береді. Бұл жинақтың бірінші томына өткен ғасырдың жетпісінші жылдарынан бері жазылған лирикалық өлеңдері, поэмалары, сондай-ақ бұрын жарық көрмеген туындылары енгізілген. Күләш поэзиясының басты тақырыптары - күллі әлемдік күрделі мәселелер мен ұлы жаратылыстың таңғажайып көркі, қоршаған орта, туған табиғат, ұлт мүддесі, ұрпақ тағдыры, ізгілік пен имандылық, адамгершілік пен мейірбандылық, достық пен махаббат.