Бала Мәшһүр Өлеңдер, әңгімелер

Белгілі балалар ақыны, жазушы Сүлеймен Баязитовтің "Бала Мәшһүр" жинағы "Өлеңдер", "Әңгімелер" атты екі бөлімнен тұрады. "Тұлғалар" деп аталатын бөлімде Қазақ елін әлемге танытқан Бұқар жырау, Құрманғазы, Әміре, Сәбит Дөнентаев, Шәкен Айманов, Шара Жиенқұлова сияқты тұлғалардың бейнесі жыр өзегіне арқау болған. "Қызықты атаулар", "Жасырынған жер-су аттары" туған даламыздың қасиетті өңірлері, бабалар бейнесімен әсем үндестік тапқан. "Әңгімелер" бөліміндегі С. Торайғыров, М. Әлімбаев туралы тақырыптарда олардың автор өміріне, шығармашылығына еткен әсері шынайы бейнеленген. Мұндай шығармалардың жас оқырманға берері мол. Сондай-ақ алыстағы ауыл мектебінің интернат балаларының тұрмыс-тіршілігі қызықты баяндалған. "Қос періште" ертегісі адамдықты зұлымдықтан тежеуге, ізгілікке, пәктікке үндейді. Кітап Елбасының "Рухани жаңғыру" бағдарламасына сәйкес жазылған тартымды шығарма, сондықтан да кітапқұмар оқырмандардың көңілінен шығатынына сенімдіміз.