Сыр сандық

Осы аз ғана еңбекті жарыққа шығарудағы басты нысанам - өз жұрағаттарым, немере-шөберелерім ана тілінде сөйлесін, ана тілін түсінсін, ата-бабадан келе жатқан қазақы ғұрып, салт-санадан аз да болса мағлұмат алсын деген ниет еді. Өмір жылжып, жыл артқан сайын әлемдік өркениетке бой ұратын ұрпағым өзім білетін аздаған түсінік, наным-сенімдерімді хатқа түсіріп қойсам, бірде болмаса бірде көз жүгіртсе, кейбіреуінен өзіне керегін алар деген ой. Мұндағы баяндалған оқиғалар өзім көрген, есте сақталғандар, тек белгілі себептермен адамдардың есімдерін ғана өзгертіп, қағазға түсіріп қойдым.