"Қыз Жібек" жырының тілі мен стилі

Ауызекі естімелік жады арқылы жеткен "Қыз Жібек" жыры өзінің әдебиеттелген бейнесін бертін алды. Ауызша дамыған әдеби тіл өмір сүрген форма ол - "Қыз Жібек" жыры. "Қыз Жібек" жыры жазбалыққа мойынсұнған соң белгілі бір орфографиялық , грамматикалық ережелерге бағынуға тиісті болды. Дегенмен, жырдың өне бойында көне фонетикалық, морфологиялық, тілдік өзгерістер сақталды. Әдеби тілдің тасушы, жеткізуші құралы ретінде талданған жыр "Қазақ әдеби тілінің тарихы" курсын оқытқанда қосымша тәжірибелік оқу-әдістеме бола алады.