Көктем Өлендер жыйнағы

Қалижан Бекхожин қазақ поэзиясында өзіндік жол қалыптастырған ерекше тұлға. Оның өлеңдері мен поэмалары қазыналы қазақ әдебиетінің қорын байытты. Қ. Бекхожин шығармашылығының үлкен бір саласы - табиғат туралы өлеңдері. Ақын табиғатты жырлағанда ұлттық поэзияның қалыптасқан дәстүрінен қара үзіп, шет кетпейді, қайта сол дәстүрге берік арқа сүйейді. Бірақ дәстүрді құр қайталаушы да емес. Сол көркемдік дәстүрге ол өз өрнегін, өз оюын қосуға ұмтылады. Ақын табиғатты өзіне шабыт беретін ерекше күш деп түсінеді. Сондықтан да ол табиғаттан өз поэзиясына қуат алады, одан терең сыр тартуға ұмтылады. Оның таңғажайып құбылысынан өзі де, өзгенің де эстетикалық ләззәт алуын қалайды.