Партизан Жылбек пен Жамал

Қымбатты оқырман, бұл кітапты қолға алмас бұрын үлкен толқу үстінде болдым. Бала кезімізден ерлікке, Отанды сүюге, туған ел мен жерге деген махаббат сезімін оятқан, Ұлы Отан соғысы жылдарында жау тылында батырлық пен ерлікітң үлгісін көрсеткен партизандардың ерен ерлігі жадымызда мәңгі сақталып қалыпты. Атақты жазушылар Қасым Қайсенов, Әди Шәріпов және басқа жазушылардың шығармаларын ауыл кітапханасынан таласа оқып, талдап өстік. Әсіресе, кітап кейіпкерлері Жылбек пен Жамал, олардың белорусс жерінде, орманда, партизандар ортасында дүниеге келген қыздары Майяны көріп, кездесіп, араласқаным жаным қуат берді. "Іс қылып, кәдеге жаратарсың",-деп Жылбек Ақәділовтың туған інісі ұлттық қауіпсіздік комитетінің полковнигі, марқұм Дыбысбек Тәстеновтың қолыма аманат етіп тапсырған Жылбек Ақәділовтың қолжазбалары мен хаттары, газет қиындылары да кітапты жазуға ықпал етті.